شبكة قنوات المناهل.
قناة SEX العالمية - قناة هديل الصوتية - قناة الحقيقة القطرية - قناة شهيد كربلاء (ع) - قناة الفضيلة الرمضانية - قناة اقرأ التعليمية - قناة العـــ 3 ـــرب - قناة المسلمين العالمية Channel Muslim's World

 

 قناة SEX العالمية

 

Monday: 4 February 2008

 

AIDS HOTLINE

 

 

عشت في الفترة الأخيرة أيام صعبة لأني كنت خائف من الإصابة بالإيدز،بسبب عدم إتباعي لوسائل الوقاية منه،فكان أول شيء قمت به بعد عودتي من السفر هو الاتصال مع الخط الساخن للإيدز،في البداية إرتبكت وصرت غير قادر على الكلام مع الموظف الذي أجاب إتصالي،سألته: الخط الساخن؟!! قال: نعم تفضل. سكتت لفترة ..... فقال لي: بتحب تحكي لحالك ولا بتحب أسألك وإنت تجاوب؟ قلت له: بدي أعرف المكان إللي بقدر أفحص فيه للإيدز وسرية الفحص. قال: هيك مباشرة بدون ما تقول لي ليش بدك تفحص؟! وبدون ما أعرف إنت بحاجة للفحص والا لأ؟؟!! فأخذ يسألني بالتفصيل عن دافعي لإجراء الفحص وشو سويت وأعطاني الضمانات التي أريدها عن موضوع خصوصية الفحص ومكانه وأعطاني بعض الإرشادات الصحية للوقاية من الإيدز وبالمناسبة من يجيب على اتصالات الخط الساخن طبيب.

بعدها بيوم قررت أن أجري الفحص فرحت على مبنى الصحة العامة قرب بلدية إربد وقابلت الدكتور نايف الجراح وهو طبيب جدا رائع ومتفهم،عمره بالخمسينات ومتطوع في البرنامج الوطني للوقاية من الإيدز. دخلت على عيادته فاستقبلني بحرارة وسألني الدكتور نايف الجراح: أهلا وسهلا أنت إللي اتصلت عليّ قبل شوي؟

: نعم

: تفضل

: بدي أسوي فحص الإيدز لو سمحت

: بدي أستفسر منك شوي عشان أقدر أسويلك الفحص

: تفضل دكتور

: أكيد عملت مع صبية

: لأ مش أكيد

: مع عاهرة

: لأ

: مع زميلتك بالكلية

: لأ!! عملت مع شاب سوري عمره 20 سنة ...... دكتور أنا مثلي

 

 

سكت الدكتور للحظات بعدها قال: نسبة المصابين بالإيدز في سوريا قليلة ما تقلق

: عارف إني غلطت غلط كبير بس ما قدرت أسيطر على حالي! بتعرف دكتور إني عندي معلومات بالتفصيل عن الإيدز وكيف بنتقل وأعراضه و طرق علاجه والوقاية منه ...... ولكن عند التطبيق فشلت في حماية نفسي وما لبست الواقي الذكري الكوندوم ومارست بشكل غير آمن ...... ما بعرف ليش سويت هيك وكتير خايف وبدي أسوي الفحص لو سمحت

: ما تخاف يا ابني،كلنا بشر وبنخطأ بعدين إنت قلتها بلسانك ما قدرت تسيطر على حالك!! مع إنك عارف الخطر لإنك بشر ...... ما تقلق هلأ بنعمل الفحص،بعدين أنا كمان بغلط شوف هيني بدخن مع إني عارف إنو التدخين مضر

: بعرف دكتور بس انا كتير ندمان،عند أول اختبار فشلت في حماية نفسي مع إني ابن عائلة وعالم وناس

: إنت أردني؟

: نعم أردني

: الشب إللي عملت معاه زميلك بالجامعة؟

: نعم

: بتعرف أنا درست الطب في إيطاليا وهناك في كثير مثليين وحتى في حزب سياسي معظم قيادته من المثليين!! عادي جدا إنك تكون مثلي لإنو الإنسان ما بعيش حياته إلا مرة واحدة،فعيش حياتك والمهم تكون راضي عن نفسك،أنا ما بقول لك ما تعمل جنس! بس بقول لك إستعمل الواقي الذكري أو الكوندوم بتعرف كيف تستخدمه؟

: نعم أكيد بعرف

: إذا ما معك مصاري تشتريه،إحنا مستعدين نوفروا إلك مجانا

: شكرا دكتور عندي كوندوم في البيت بس ما استخدمته

: ما ترد على إللي بحكيلك إنو بقلل الشهوة!! هوة مطاط ورقيق وما بقلل الشهوة!! المهم الإنسان يحمي حالو

        : نعم

: لمعلوماتك نظريا المثليين معرضين بشكل أقل للإصابة بالإيدز من المغايرين،بس المشكلة إنو المثليين ميالين أكثر للعلاقات المتعددة وكمان المجتمع لما يشوف شاب وبنت مع بعض بحط ألف عين عليهم أما لما يشوف شابين مع بعض ما حدى بيهتم فبكون أسهل عليهم يمارسوا بشكل متكرر ومنتظم

: صحيح كلامك حتى سمعت حاليا نسبة المصابين بالإيدز بين المغايرين أكبر من نسبة المثليين المصابين بالإيدز

: مزبوط إللي بتقوله بس السنة نسبة المصابين بالإيدز بالأردن إرتفعت بشكل كبير

: عشان هيك أنا خايف،يعني ما بكفي إني مثلي!!! تخيل إني أصير مثلي ومصاب بالإيدز بنفس الوقت،كيف راح تكون نظرة المجتمع لإلي،وقتها ما حدى راح يرحمني ...... بدون هالواسطة عشان أنا مثلي بكرهوني

: نظرة المجتمع للمصابين بالإيدز للأسف جدا سلبية وغير سليمة،بس إنت ليش بتتطلع على حالك هيك!! شو يعني إنك مثلي؟؟!! كل إنسان في العالم بنولد وفيه ميول مغايرة ومثلية،ما في شخص 100% مثلي أو 100% مغاير،كل إنسان إلا تلاقي فيه نسبة معينة من الميول لأي من الجنسين بس مع النمو إنت بتنمو بتنجذب لنفس جنسك وأنا بنمو بنجذب للجنس المغاير،المهم تعيش حياتك وإنت راضي! بتعرف كتير من الناجحين والمشاهير في إيطاليا من المثليين

رفع السماعة الدكتور نايف الجراح واتصل على الممرض: لو سمحت بدي توخد عينة دم من الشب عشان فحص الإيدز،الشب بدو يتوظف جديد

أعطاني الدكتور نموذج كتبت عليه رمز (م أ 2008) عشان أعرف نتيجة الفحص من خلال هذا الرمز.

: شكرا دكتور كنت رائع بالتعامل معي،ما توقعت إني ألاقي طبيب متفهم لوضعي وللمثلية مثلك يا دكتور!!! يعني ما حكمت علي لما عرفت إني مثلي ولا نظرت لي نظرة إحتقار وطول الوقت بتحكي معي بطريقة راقية،بكل صراحة ما كنت متوقع ألاقي هيك معاملة

: مش من حقي أحكم عليك أو على أي إنسان،إحنا كلنا بشر

: دكتور ممكن تخبرني أكتر عن برنامج التوعية بالإيدز؟

شرحلي الدكتور نايف الجراح عن البرنامج بالتفصيل وخبرني عن خطة عملهم والأشياء إللي أنجزوها لحد الآن،وبسبب المعاملة الراقية من الدكتور نايف الجراح قررت أتطوع مع البرنامج واتفقت مع الدكتور نايف الجراح على الأشياء إللي بدي أقوم فيها للتوعية بالإيدز بين المثليين وأعطيته رقمي الخلوي وعنوان المدونة ومازلت على تواصل معه،وقريبا راح أروح على أماكن تجمع المثليين في العاصمة عمان وأشجعهم على إجراء الفحص أو الاتصال مع الخط الساخن وأشرحلهم طرق الوقاية من الإيدز رقم خط الإيدز الساخن في العاصمة عمان 065697933،065673436 خط الإيدز الساخن في إربد 027243482.

في اليوم التالي لإجرائي للفحص طلعت النتيجة سلبية،الحمد لله ما عندي فايروس إتش أي في،طرت من الفرح لما عرفت النتيجة وعلى طول رحت عبطت الشب إللي ساكن معي وقلت له إني سليم الحمد لله ما عندي إيدز،طبعا نشف دمي من القلق والخوف من الإيدز لإني بعرف نهايته الموت حتى لو كانت الأدوية الحديثة ممكن تأجل خطر الإصابة بالإيدز للحاملين لفايروس الإتش أي في لـ 20 أو 30 سنة وممكن يعيشوا خلال هذه السنوات بشكل طبيعي بالكامل وحتى ممكن يتزوجوا،بس مع هذا من اليوم وطالع مستحيل أعرض نفسي للخطر وسأستعمل الواقي الذكري باستمرار،وبإذن الله سأجد حبيبي المفقود وسأكون مخلص له وحده بالفراش وهو مخلص لي أنا وحدي وبهذا نحمي أنفسنا من كل الأمراض المنقولة عن طريق الجنس وليس فقط الإيدز ونعيش معا بكل حب وسعادة.

ملاحظة: الفحص مجاني و وزارة الصحة الأردنية توفر علاج مجاني لمرضى الإيدز أو حاملي فايروس الـ HIV.

: معظم الحوار بيني وبين الدكتور كان باللغة الإنجليزية لأني أجد سهولة أكبر بالحديث بالإنجليزي خصوصا بالمواضيع الجنسية ولكن من أجل المدونة ترجمت الحوار بيني وبين الدكتور نايف الجراح إلى لهجتي العامية

: أرجو أن لا يفهم من حواري مع الدكتور نايف الجراح أنه مؤيد أو مشجع للمثلية،هو فقط طبيب متفتح العقلية وكان عايش في أوروبا وعبر لي عن وجهة نظره الشخصية بموضوع المثلية لا أكثر ولا أقل.

 

http://gayjordan.blogspot.com/2008/02/aids-hotline.html