أنا في انتظارك شبكة قنوات المناهل.

07/12/2009 GMT 1

2007-2010hassan @ 18:22

صوت المسيح (عليه السلام)

قناة الأهرامات المصرية

أنا في انتظارك

أنا في انتظارك .. يا ربي الأمين،و راكع باصلى،و باطلب لـ مصر

رجايا في وعودك،دا عبر السنين،يمينك بتصنع،من الكسر نصر.

أنا في انتظارك .. يا ربي الأمين،في وسط الكنيسة،و شعبك هنا

معاهم باصلي،و مستنيين،حضورك في مصر،بمجد و غنى.

أنا في انتظارك .. و قلبي صبر،و ان الأرض نشفت،و ان النهر جف

مصدق في إنك،هاتبعت مطر،و مستني اشوف،غيمة أد كف.

أنا في انتظارك .. ومستني صبح،و نورك يبدد،ظلام السنين

و رافع راياتك،بحمد و بسبح،باعد لمجيئك،و باهتف آمين.

خلاصك قريب،من خائفيك،ومجدك ها يسكن،في أرضنا

و شمسك ها تشرق،لمنتظريك،و تيجي و تصنع،وعودك لنا.